وادی نیلم میں کنڈل شاہی پل ٹوٹنے سے 25 سے زائد سیاح دریا میں ڈوب گئے

مظفرآباد: وادی نیلم میں کنڈل شاہی پل ٹوٹنے سے پل پر کھڑے 25 سے زائد سیاح ’نالہ جاگراں‘ میں جاگرے جن میں سے اب تک تین افراد کی لاشیں نکالی جاچکی ہیں جب کہ باقی کی تلاش جاری ہے۔

ایکسپریس نیوز کے مطابق مظفر آباد میں وادی نیلم میں خستہ حال کنڈل شاہی پل ٹوٹ گیا جس کے باعث پل پر کھڑے سیاح نالہ جاگراں میں گرگئے۔ ڈوبنے والے تین افراد کی لاشیں نکال لی گئی ہیں۔ دریا میں گرے سیاحوں کی تلاش کے لیے امدادی اداروں نے کارروائیاں شروع کردی ہیں۔ دریا کا بہاؤ انتہائی تیز ہونے کی وجہ سے ہلاکتوں میں اضافے کا خدشہ ہے۔

پولیس کا کہنا ہے کہ پل پر خواتین اور بچوں سمیت 25 سے زائد سیاح کھڑے تھےکہ اچانک پل ٹوٹ گیا اور پل پر موجود تمام لوگ نالے میں بہہ گئے۔ نالہ جاگراں بلندی سے نیچے اترنے والا انتہائی تیز رفتار نالہ ہے جس میں پانی بہت تیز رفتاری سے بہتا ہے لہٰذا گرنے والے سیاحوں کےبچنے کی امید بہت کم ہے۔ نالے میں ڈوبنے والے تین سیاحوں کی لاشیں نکال لی گئی ہیں جب کہ  بڑے پیمانے پر ہلاکتوں کا خدشہ ہے۔

The post وادی نیلم میں کنڈل شاہی پل ٹوٹنے سے 25 سے زائد سیاح دریا میں ڈوب گئے appeared first on ایکسپریس اردو.

from ایکسپریس اردو https://ift.tt/2KZ8XpZ
via IFTTT