دو سالہ بیٹی کو سڑک پر پٹخنے والی جرمن ماں گرفتار

دو سالہ بیٹی کو سڑک پر پٹخنے والی جرمن ماں گرفتار

برلن: جرمنی میں ماں نے اپنی دو سالہ بیٹی کو فٹ پاتھ سے اُٹھا کر سڑک پر پٹخ دیا۔

بین الاقوامی خبر رساں ادارے کے مطابق جرمنی کے جنوبی صوبے باڈن ورٹمبرگ میں اپنی بیٹی کے ہمراہ چلنے والی ماں نے اچانک غصے میں آکر دو سالہ بیٹی کو اُٹھا کر سڑک پر پٹخ دیا جس کی وجہ سے بچی کے سر پر چوٹیں آئیں۔ بچی کو اسپتال میں طبی امداد دی جا رہی ہے جب کے پولیس نے ماں کو گرفتار کر کے عدالت میں پیش کردیا ہے۔

عدالت نے 32 سالہ ماں کو اقدام قتل کی دفعات کے تحت تفتیش کے لیے پولیس کے حوالے کردیا ہے۔ پولیس کا کہنا ہے کہ عینی شاہدین کے بیانات اور سی سی ٹی وی فوٹیجز کی بنیاد پر تفتیش کر رہے ہیں۔ خاتون نے ایک سپر مارکیٹ کے سامنے اپنی بیٹی کو ہوا میں اچھالتے ہوئے سڑک پر پٹخ دیا تھا۔ بظاہر لگتا ہے یہ عمل طیش میں آکر کیا گیا ہے۔

پولیس افسر کا کہنا تھا کہ جہاں واقعہ پیش آیا خوش قسمتی سے وہاں ٹریفک نہایت کم تھا جس کی وجہ سے بچی محفوظ رہی تاہم سڑک پر سر لگنے کے باعث بچی کو گہرے زخم آئے ہیں۔ بچی اس وقت اسپتال میں زیر علاج ہے اور اس کے دماغ کا سی ٹی اسکین کیا جا رہا ہے۔

The post دو سالہ بیٹی کو سڑک پر پٹخنے والی جرمن ماں گرفتار appeared first on ایکسپریس اردو.

from ایکسپریس اردو https://ift.tt/2I2VfAo
via IFTTT
via Blogger https://ift.tt/2HUqlym
May 07, 2018 at 01:11PM