امریکا کے مقبول گلوکار ایکس ٹینٹاسن کو قتل کردیا گیا

فلوریڈا: امریکی ریاست جنوبی فلوریڈا کے مقبول ریپ گلوکار ایکس ٹینٹاسن کو گولیاں مارکر قتل کردیا گیا۔

بین الاقوامی میڈیا کے مطابق  20 سالہ ایکس ٹینٹاسن کوایک مسلح مشتبہ شخص نے شوروم سے نکلتےہوئے گولی مار کر قتل کیا، پولیس نے حادثے کو ڈکیتی کا واقعہ قراردے دیا۔ گولی لگنے کے فوراً بعد انہیں فورٹ لارڈیل ایریا اسپتال منتقل کیاگیا جہاں ڈاکٹرز نے ان کی موت کی تصدیق کردی۔

پولیس حکام کا کہنا ہے کہ واقعہ اس وقت پیش آیا جب ٹینٹاسن اپنی کار میں جارہے تھے، واقعہ کی مکمل تفتیش کی جارہی ہے۔

The adult male victim has been confirmed as 20 year old Jahseh Onfroy aka rapper #XXXTentacion.

— Broward Sheriff (@browardsheriff) June 18, 2018

ایکس ٹینٹاسن کااصل نام جہاسے ڈوئن اونفری تھا، ان کا شمار امریکا کے نامور گلوکاروں میں ہوتا ہے اور وہ اس ہفتے امریکی ٹاپ 50 چارٹ میں بھی شامل تھے، ان کے کئی گانے اس حد تک مقبول ہوئے تھے کہ انہیں پلاٹینم قراردیاگیا تھا جن میں ’چینجز‘، ’رول ان پیس‘ شامل ہیں۔ تاہم جہاں ٹینٹاسن امریکا کی مقبول ترین شخصیت تھے وہیں وہ بہت سارے تنازعات کا بھی شکار تھے۔ برطانوی اخبار کے مطابق ان پرگھریلو تشدد کے بھی الزامات لگتے رہے ہیں، 2016 میں انہیں اپنی حاملہ گرل فرینڈ پر تشدد کے الزام میں گرفتار کیاجاچکاہے۔

The post امریکا کے مقبول گلوکار ایکس ٹینٹاسن کو قتل کردیا گیا appeared first on ایکسپریس اردو.

from ایکسپریس اردو https://ift.tt/2t6WtoT
via IFTTT