رحیم یار خان میں واقع باغ میں کام کرنے والے 10 مزدور اغوا

رحیم یار خان: جمال دین والی میں آم کے باغات میں کام کرنے والے 10 مزدوروں کو اغوا کرلیا گیا ہے۔

ایکسپریس نیوز کے مطابق رحیم یارخان کے علاقے جمال دین والی میں واقع آم کے باغات میں کام کرنے والے 10 مزدوروں کو اغوا کرلیا گیا ہے۔ پولیس کے مطابق کچہ میں مشہور ڈکیت گروہ کے 20 مسلح ڈاکوؤں نے رات گئے باغ پر دھاوا بولا اور سوئے ہوئے 10 مزدورں کو ساتھ لے گئے۔

اطلاع ملتے ہی پولیس کی بھاری نفری جائے وقوعہ پر پہنچی اور عینی شاہدین کی مدد سے پولیس کی ٹیمیں مغویوں کے تعاقب میں بھیج دی گئیں ہیں، عینی شاہدین کے مطابق ڈاکو مغویان کو لے کرسندھ کے کچہ کے دریائی علاقے کی جانب روانہ ہوئے، اغوا ہونے والے 7 مزدوروں کا تعلق پنجاب کے مختلف شہروں جب کہ 3 مزدورمقامی ہیں۔

The post رحیم یار خان میں واقع باغ میں کام کرنے والے 10 مزدور اغوا appeared first on ایکسپریس اردو.

from ایکسپریس اردو https://ift.tt/2KRBWeS
via IFTTT