امریکی صدر نے بریٹ کاوانوف کو جسٹس آف سپریم کورٹ نامزد کردیا

 واشنگٹن: امریکی صدر ڈونلڈ ٹرمپ نے بریٹ مائیکل کاوانوف کو سپریم کورٹ کا جج نامزد کردیا۔

امریکی صدر ڈونلڈ ٹرمپ نے بریٹ مائیکل کاوانوف کو سپریم کورٹ جج نامزد کرتے ہوئے اسے بہترین انتخاب قرار دیا۔ سماجی رابطے کی ویب سائٹ ٹویٹر پر اپنی ٹویٹ میں امریکی صدر نے بریٹ مائیکل کاوانوف کی نامزدگی کا اعلان کرتے ہوئے کاوانوف کے لیے تعریفی کلمات کہے اور انہیں سپریم کورٹ کے لیے موزوں ترین امیدوار قرار دیا۔

Tonight, it was my honor and privilege to nominate Judge Brett Kavanaugh to the United States Supreme Court. #SCOTUS pic.twitter.com/97clc9zifm

— Donald J. Trump (@realDonaldTrump) July 10, 2018

بریٹ مائیکل کاوانوف اس وقت کولمبیا کی ضلعی عدالت میں جج کے فرائض انجام دے رہے ہیں اور اس سے قبل وہ سابق صدر جارج ڈبلیو بش کے مشیر بھی رہے ہیں۔ کاوانوف کی نامزدگی سے امریکا میں دور رس اثرات مرتب ہوں گے اور دیکھنا ہے کہ کاوانوف اسلحے پر پابندی اور پناہ گزینوں سے متعلق قوانین کے باعث مشکلات میں گھرے ٹرمپ کی کیا مدد کرسکیں گے۔

واضح رہے کہ جسٹس انتھونی کینیڈی نے رواں سال ریٹائرمنٹ کا اعلان کیا تھا جس کے بعد امریکی صدر نے 53 سالہ بریٹ مائیکل کاوانوف کو نامزد کیا ہے۔ ماہرین اس نامزدگی کو پناہ گزینوں سے متعلق سخت قوانین پر تنقید سے بچنے کے لیے ایک حربہ قرار دے رہے ہیں۔

The post امریکی صدر نے بریٹ کاوانوف کو جسٹس آف سپریم کورٹ نامزد کردیا appeared first on ایکسپریس اردو.

from ایکسپریس اردو https://ift.tt/2ztIUp7
via IFTTT