اسلام آباد میں آئل کنٹریکٹرز کا ہڑتال کا اعلان، پٹرول کی قلت کا خدشہ

 اسلام آباد: آئل کنٹریکٹرز کے جنرل سیکرٹری نعمان بٹ نے کل سے راولپنڈی اسلام آباد میں پیٹرول کی سپلائی معطل کرنے کا اعلان کیا ہے۔

ایکسپریس نیوز کے مطابق  وفاقی دارالحکومت اسلام آباد اور راولپنڈی میں آئل کنٹریکٹرز نے ہڑتال کا اعلان کردیا ہے جس کے باعث جڑواں شہروں میں پیٹرول کی قلت کا خدشہ پیدا ہوگیا ہے۔

جنرل سیکرٹری آئل کنٹریکٹرز نعمان بٹ نے میڈیا سے بات کرتے ہوئے بتایا ہے کہ پی ایس او سہالہ آئل ڈپو لاجسٹک منیجر اشتیاق اے جان کا آئل کنٹریکٹرز سے رویہ انتہائی نامناسب ہے اور اسی ناروا سلوک سے تنگ آئل کنٹریکٹرز نے ہڑتال کردی ہے جب کہ کل سے اسلام آباد و راولپنڈی میں پیٹرول کی سپلائی بھی معطل کردی جائے گی، اور جڑواں شہروں میں پٹرول ڈیزل کی قلت کی ذمہ داری لاجسٹک منیجر پر ہوگی۔

نعمان بٹ نے مطالبہ کیا ہے کہ وزیراعظم عمران خان معاملے کا نوٹس لے کر لاجسٹک منیجر کو فوری تبدیل کرنے کا حکم دیں، ورنہ لاجسٹک منیجر کی تبدیلی تک پہیہ جام ہڑتال کریں گے اور اگر مطالبات تسلیم نہ ہوئے تو ہڑتال کا دائرہ  کشمیر، گلگت اور نادرن ایریاز تک بڑھا کر پیٹرول کی سپلائی بند کردیں گے۔

 

The post اسلام آباد میں آئل کنٹریکٹرز کا ہڑتال کا اعلان، پٹرول کی قلت کا خدشہ appeared first on ایکسپریس اردو.

from ایکسپریس اردو https://ift.tt/2OtHWMD
via IFTTT