سانحہ 12 مئی کی جے آئی ٹی کیلئے نگران جج مقرر

 کراچی: سندھ ہائی کورٹ نے سانحہ 12 مئی کی از سر نو تحقیقات کے لیے بنائی گئی جے آئی ٹی کے لیے نگراں جج مقرر کردیا۔

ایکسپریس نیوز کے مطابق چیف جسٹس سندھ ہائی کورٹ نے سانحہ 12 مئی 2007 کی جے آئی ٹی کی نگرانی کے لیے عدالت عالیہ کے جسٹس صلاح الدین پنہور کو نگران جج مقرر کردیا ہے۔ جے آئی ٹی ہر 15 روز بعد نگران جج کو تفتیش میں ہونے والی پیش رفت سے آگاہ کرے گی۔

محکمہ داخلہ سندھ نے 28 ستمبر کو جے آئی ٹی کی تشکیل کا نوٹی فکیشن جاری کیا تھا، جس کے سربراہ ایڈشنل آئی جی کراچی امیر شیخ ہیں۔

جے آئی ٹی اس بات کی تحقیقات کرے گی کہ سانحہ 12 مئی کس کے حکم پر ہوا؟ واقعے کا ماسٹر مائنڈ کون تھا؟، اس سانحے کے مقدمات داخل دفتر کیوں اور کس وجہ سے ہوئے؟ ۔

واضح رہے کہ سندھ ہائیکورٹ نے 11 ستمبر کو سانحہ 12 مئی 2007 کے کیس کا فیصلہ سناتے ہوئے سانحہ کی تحقیقات کے لیے مشترکہ تحقیقاتی ٹیم بنانے کا حکم دیا تھا۔

The post سانحہ 12 مئی کی جے آئی ٹی کیلئے نگران جج مقرر appeared first on ایکسپریس اردو.

from ایکسپریس اردو https://ift.tt/2ydP9tz
via IFTTT