سول ایوی ایشن نے اسرائیلی طیارے کی پاکستان آمد کی تردید کردی

سول ایوی ایشن نے اسرائیلی طیارے کی پاکستان آمد کی تردید کردی 

 اسلام آباد: ترجمان سول ایوی ایشن کا کہنا ہے اسرائیلی طیارہ پاکستان کے کسی ایئرپورٹ پر نہیں اترا۔

ترجمان سول ایوی ایشن نے اسرائیلی طیارے کی پاکستان آمد کی خبر کی تردید کرتے ہوئے کہا کہ اسرائیلی طیارے کی آمد صرف افواہ پر مبنی ہے، اسرائیل کا کوئی بھی طیارہ پاکستان کے کسی ایئرپورٹ پر نہیں اترا۔

خیال رہے سماجی رابطے کی ویب سائٹ پر ایک خبر زیر گردش ہے جس میں یہ کہا جارہا ہے کہ اسرائیلی طیارہ پاکستان کے دارالحکومت اسلام آباد ایئرپورٹ پر لینڈ ہوا تھا، بعد ازاں برطانوی نشریاتی ادارے کی جانب سے اس خبر کو شائع بھی کیا گیا۔

اس خبر کو بھی پڑھیں؛ بھارت اور اسرائیل سے خفیہ مذاکرات نہیں کریں گے، فواد چوہدری

دوسری جانب مسلم لیگ (ن) کے رہنما اور سابق وزیرداخلہ احسن اقبال نے سماجی رابطے کی ویب سائٹ پر ٹوئٹ کرتے ہوئے حکومت سے معاملے کی وضاحت طلب کی تو وفاقی وزیراطلاعات فواد چوہدری آگ بگولہ ہوگئے۔

حقیقی صورتحال یہ ہے کہ عمران خان نواز شریف ہے نہ اس کی کابینہ میں آپ جیسے جعلی ارسطو ہیں، ہم نہ مودی جی سے خفیہ مذاکرات کریں گے نہ اسرائیل سے، آپ کو پاکستان کی اتنی فکر ہوتی جتنی ظاہر کر رہے ہیں تو آج ہم ان حالات میں نہ ہوتے، اس لئے جعلی فکر نہ کریں ،پاکستان محفوظ ہاتھوں میں ہے https://t.co/JUtbZQbArj

— Ch Fawad Hussain (@fawadchaudhry) October 27, 2018

فواد چوہدری نے ردعمل دیتے ہوئے کہا کہ پاکستان محفوظ ہاتھوں میں ہے اور عمران خان نوازشریف نہیں لہذا ہماری حکومت اسرائیل اور بھارت سے کسی قسم کے خفیہ مذاکرات نہیں کرے گی۔

Israeli bizjet flew from TLV to Islamabad, #Pakistan , on the ground 10 hours, and back to TLV.
Cleared flight-plan with usual 5min groundtime trick in Amman
M-ULTI glex pic.twitter.com/haHn1NU73L

— avi scharf (@avischarf) October 25, 2018

واضح رہے سوشل میڈیا یہ معاملہ سب سے پہلے اسرائیلی اخبار ہارٹز کے ایڈیٹر ایوی شراف کی جانب سے اٹھایا گیا تھا۔

The post سول ایوی ایشن نے اسرائیلی طیارے کی پاکستان آمد کی تردید کردی  appeared first on ایکسپریس اردو.

from ایکسپریس اردو https://ift.tt/2EK5bBF
via IFTTT
via Blogger https://ift.tt/2ENZwdV
October 27, 2018 at 01:25PM