دریائے سندھ میں کشتی الٹنے سے 4 افراد ڈوب گئے

خیر پور: سگیوں شہر کے قریب دریائے سندھ میں کشتی الٹنے سے 4 افراد ڈوب گئے جب کہ 20 افراد کو بچالیا گیا۔

ایکسپریس نیوز کے مطابق سندھ کے شہر سگیوں کے قریب دریائے سندھ میں کشتی الٹنے سے 4 افراد ڈوب گئے، ڈوبنے والوں میں ایک خاتون اور 3 بچے شامل ہیں جب کہ 20 افراد کو بچالیا گیا ہے۔ ڈوبنے والوں کی شناخت 5 سالہ محمد حنیف، 5 سالہ عبدالرحمان، 4 سالہ عائشہ اور 40 سالہ فاطمہ کے نام سے ہوئی ہے۔

پولیس کے مطابق متاثرہ خاندان شادی میں شرکت کے لیے دریا پار گیا تھا اور کشتی کے زریعے واپس اپنے گاؤں آرہا تھا کہ حادثہ رونما ہوگیا، کشتی الٹنے سے ڈوبنے والی خاتون اور 3 بچوں کی لاشیں دریائے سندھ سے نکال لی گئی ہیں جبکہ حادثے کے مقام پر مزید امدادی کارروائیاں جاری ہیں۔

The post دریائے سندھ میں کشتی الٹنے سے 4 افراد ڈوب گئے appeared first on ایکسپریس اردو.

from ایکسپریس اردو https://ift.tt/2PAlUN3
via IFTTT