کراچی: جامع کلاتھ مارکیٹ میں بھی تجاوزات کیخلاف آپریشن کی تیاریاں

 کراچی: بلدیہ عظمیٰ کراچی نے صدر اور لائٹ ہاؤس کے بعد جامع کلاتھ مارکیٹ میں بھی تجاوزات کیخلاف آپریشن کا فیصلہ کیا ہے۔

کے ایم سی اینٹی انکروچمنٹ سیل کا لائٹ ہاؤس میں آج بھی آپریشن جاری رہا جس میں غیر قانونی دکانوں اور تعمیرات کو مسمار کیا جارہا ہے۔ کارروائی کے دوران کے ایم سی حکام کے ساتھ پولیس اور رینجرز کی بھاری نفری بھی موجود ہے۔

کے ایم سی حکام نے لائٹ ہاؤس کے بعد جامع کلاتھ مارکیٹ میں بھی آپریشن کرنے کا اعلان کرتے ہوئے کہا کہ جامع کلاتھ مارکیٹ اور اطراف میں فٹ پاتھ پر قائم دکانوں کو مسمارکیا جائے گا۔ گزشتہ روز انسداد تجاوزات آپریشن کے دوران آرام باغ اور لائٹ ہاؤس میں 750 سے زائد غیر قانونی دکانیں مسمار کی گئی تھیں۔

The post کراچی: جامع کلاتھ مارکیٹ میں بھی تجاوزات کیخلاف آپریشن کی تیاریاں appeared first on ایکسپریس اردو.

from ایکسپریس اردو https://ift.tt/2KgU2rr
via IFTTT