سعد رفیق کی ڈی جی نیب کیخلاف درخواست پر چیئرمین نیب کو نوٹس جاری

لاہور: عدالت نے مسلم لیگ (ن) کے رہنما خواجہ سعد رفیق کی جانب سے ڈی جی نیب کے خلاف درخواست پر چیئرمین نیب جاوید اقبال کو نوٹس جاری کردیا۔

لاہور ہائی کورٹ میں سابق وزیرریلوے خواجہ سعد رفیق کی قومی احتساب بیورو (نیب) کی انکوائری کے خلاف درخواست پر سماعت ہوئی جس میں درخواست گزار نے استدعا کی کہ عدالت ڈی جی نیب شہزاد سلیم کو ٹی وی پروگرام میں جانے سے روکنے اور انکوائری تبدیل کرنے کا حکم دے۔ عدالت نے چیئرمین نیب، ڈی جی نیب اور ڈی جی پیمرا سے جواب طلب کرتے ہوئے کیس کی سماعت 26 نومبر تک ملتوی کردی۔

سعد رفیق کی درخواست میں موقف اختیار کیا گیا کہ ڈی جی نیب شہزاد سلیم غیر جانبدار نہیں رہے لہذا انکوائری کسی اور آفیسر سے کروائی جائے کیوں کہ ڈی جی نیب مسلم لیگ (ن) کے خلاف پارٹی بن چکے ہیں اور ان سے شفاف انکوائری کی امید نہیں۔

اس خبر کو بھی پڑھیں؛ سعد رفیق نے نیب انکوائری کو لاہور ہائیکورٹ میں چیلنج کردیا

درخواست میں یہ موقف بھی اختیار کیا گیا کہ ڈی جی نیب لاہور (ن) لیگ کے خلاف میڈیا ٹرائل کر رہے ہیں، اور ٹی وی پروگرامز میں تحقیقات کی اندرونی کہانیاں بیان کر رہے ہیں جب کہ انکوائری تبدیل کروانے کے لیے چیئرمین نیب کو بھی درخواست دی تاہم ان کی جانب سے تاحال درخواست پر فیصلہ نہیں گیا۔

The post سعد رفیق کی ڈی جی نیب کیخلاف درخواست پر چیئرمین نیب کو نوٹس جاری appeared first on ایکسپریس اردو.

from ایکسپریس اردو https://ift.tt/2QIo6yj
via IFTTT