قابض اسرائیلی فوج کے ہاتھوں 3 فلسطینی نوجوان شہید

 غزہ: فلسطین میں قابض اسرائیلی فوج کی فائرنگ سے 3 فلسطینی نوجوان شہید اور 2 صحافی سمیت 4 پیرا میڈیکل اسٹاف زخمی ہوگئے۔

بین الاقوامی خبر رساں ادارے کے مطابق غزہ میں اسرائیلی سرحد کی جانب احتجاجی مارچ کرنے والے مظاہرین کو منتشر کرنے کے لیے قابض اسرائیلی فوج نے روایتی جارحیت کا مظاہرہ کرتے ہوئے براہ راست فائرنگ کردی۔

اسرائیلی فوج کی براہ راست فائرنگ سے 3 فلسطینی نوجوان شدید زخمی ہوئے جنہیں اسپتال لے جایا گیا تاہم دوران علاج تینوں نوجوانوں نے جام شہادت نوش کرلی۔ شہید ہونے والوں کی شناخت جاہ جوح، عبدالعزیز اور مہر یاسین کے نام سے ہوئی۔

اسرائیلی فوج کی فائرنگ سے 2 صحافی شدید زخمی ہوئے جنہیں مظاہرین میں موجود پیرا میڈیکل اسٹاف طبی امداد فراہم کر رہا تھا کہ اسرائیلی فوج کی فائرنگ کا نشانہ بن گیا، 4 پیرا میڈیکل اسٹاف بھی زخمی ہوگئے۔ علاوہ ازیں درجن سے زائد مظاہرین بھی زخمی ہیں۔

واضح رہے کہ رواں برس 30 مارچ سے شروع ہونے والی ’اپنے گھروں کو واپسی مہم‘ کے تحت فلسطینی شہریوں کا یہ مسلسل 39 واں ہفتہ وار مظاہرہ تھا۔ اس دوران اسرائیلی فوج کی مظاہرین پر فائرنگ سے پیرا میڈیکل اسٹاف اور صحافیوں سمیت 250 سے زائد فلسطینی نوجوان شہید ہوگئے۔

The post قابض اسرائیلی فوج کے ہاتھوں 3 فلسطینی نوجوان شہید appeared first on ایکسپریس اردو.

from ایکسپریس اردو http://bit.ly/2GDP49R
via IFTTT