پنجاب حکومت نے انسداد منی لانڈرنگ کمیٹی تشکیل دے دی

 لاہور: وفاقی حکومت کی ہدایات کی روشنی میں پنجاب میں انسداد منی لانڈرنگ کمیٹی قائم کردی گئی۔

پنجاب حکومت نے صوبے میں کالے دھن کو سفید کرنے والوں کے خلاف سخت اقدامات اٹھانے کا فیصلہ کرتے ہوئے اینٹی منی لانڈرنگ کمیٹی قائم کردی۔ محکمہ داخلہ کے ایڈیشنل چیف سیکرٹری کیپٹن (ر) فضیل اصغر کو مذکورہ کمیٹی کا سربراہ مقرر کیا گیا ہے۔

کمیٹی کے ارکان میں ڈائریکٹر ایف آئی اے وقار عباسی ، ایڈیشنل آئی جی سی ٹی ڈی رائے محمد طاہر ، ایڈیشنل آئی جی اسپیشل برانچ اور کلیکٹر کسٹمز شامل ہیں۔ انسداد منی لانڈرنگ کمیٹی صوبے میں منی لانڈرنگ کیسز کے حوالے سے جانچ پڑتال کریگی اور وفاقی حکومت کو رپورٹ پیش کرے گی۔

The post پنجاب حکومت نے انسداد منی لانڈرنگ کمیٹی تشکیل دے دی appeared first on ایکسپریس اردو.

from ایکسپریس اردو https://ift.tt/2StWgGv
via IFTTT