مانچسٹر سٹی نے آرسنل کو شکست دے دی

 لندن: فٹبال پریمئیر لیگ میں مانچسٹر سٹی نے آرسنل کو ایک کے مقابلے میں تین گول سے ہرادیا اور سرگیو نے شاندار ہیٹ ٹرک کرکے دفاعی چیمپئن کی کامیابی میں اہم کردار ادا کیا۔

اتحاد اسٹیڈیم لندن میں ہوم گراؤنڈ پر آرسنل اور مانچسٹر سٹی آمنے سامنے تھے اور دونوں ٹیموں نے میچ کا آغاز نہایت تیزی سے کیا۔

پہلے ہی منٹ  میں سرگیو آگیورو نے ہیڈ کے ذریعے گول کرکے مانچسٹرسٹی کو سبقت دلادی۔ 10 ویں منٹ میں  آرسنل  کے کوشلے نے گول کرکے میچ برابر کردیا۔ ہاف ٹائم سے کچھ دیر پہلے سرگیو ایک بار پھر گیند کو جال میں پھینکنے میں کامیاب رہے۔ مانچسٹر سٹی کی ایک گول کی برتری سے ہاف ٹائم کا اختتام ہوا۔ دوسرے ہاف میں دونوں ٹیموں نے گول کرنے کے لیے پورا زور لگایا۔

61 ویں منٹ میں  سرگیو نے ایک گول مزید کرکے ہیٹ ٹرک بنانے والوں کی فہرست میں اپنا نام درج کروایا۔ اس طرح اب تک لیگ میں ان کے گول کی مجموعی تعداد 22 ہوگئی ہے۔

مانچسٹر سٹی نے ایک کےمقابلے میں تین گول سے میچ اپنے نام کرکے پوائنٹس ٹیبل پر پہلے نمبر پر موجود لیورپول کے لیے خطرے کی گھنٹی بجادی۔ دونوں ٹیموں میں اب صرف دو پوائنٹس کا فرق باقی رہ گیا ہے۔ لیور پول 61 پوائنٹ پر موجود ہے جبکہ مانچسٹر سٹی کے پوائنٹس کی تعداد اب 59 ہوگئی ہے۔

The post مانچسٹر سٹی نے آرسنل کو شکست دے دی appeared first on ایکسپریس اردو.

from ایکسپریس اردو http://bit.ly/2Sp467X
via IFTTT