مقبوضہ کشمیر میں بھارتی فوج کی دہشت گردی میں 2 کشمیری نوجوان شہید، 5 اہلکار ہلاک

 سری نگر: مقبوضہ کشمیر میں بھارتی فوج نے سرچ آپریشن کے نام پر 2 کشمیری نوجوانوں کو شہید کردیا جب کہ بھارتی فوج کے 5 اہلکار بھی ہلاک ہوئے۔

بھارتی میڈیا کے مطابق مقبوضہ کشمیر کے ضلع کپواڑا میں 3 دن سے جاری سرچ آپریشن میں بھارتی فوج نے 2 کشمیری نوجوانوں کو شہید کردیا جب کہ اس دوران بھارتی فوج کے 3 نوجوان اور  کشمیر پولیس کے 2 اہلکار بھی ہلاک ہوئے۔

ضلع کپواڑا کے علاقے ہندواڑا میں سرچ آپریشن کے پہلے روز جمعہ کو بھی 2 کشمیری نوجوانوں کی شہادت ہوئی تھی۔ ہندواڑا میں انٹرنیٹ سروس اور موبائل فون سروس معطل ہیں جب کہ داخلی اور خارجی راستوں پر بھاری نفری تعینات ہیں۔

دوسری جانب لائن آف کنٹرول پر بھارتی جارحیت کا سلسلہ جاری ہے اور جنگی جنون میں مبتلا بھارتی فوج کی بلا اشتعال فائرنگ کا نشانہ معصوم مقامی رہائشی بن رہے ہیں اور کئی سیکٹرز میں مقامی افراد کو اپنے گھر خالی پڑنے لگے۔

واضح رہے کہ مقبوضہ کشمیر میں 14 فروری کو بھارتی فوج کے قافلے میں خود کش کار بمبار حملے میں 44 اہلکاروں کی ہلاکت کے بعد کشمیری عوام پر زمین مزید تنگ کردی گئی ہے، نام نہاد سرچ آپریشن کے نام پر کشمیری نوجوانوں کے لہو سے ہولی کھیلی جارہی ہے۔

The post مقبوضہ کشمیر میں بھارتی فوج کی دہشت گردی میں 2 کشمیری نوجوان شہید، 5 اہلکار ہلاک appeared first on ایکسپریس اردو.

from ایکسپریس اردو https://ift.tt/2SGEtMa
via IFTTT