بلاول بھٹو زرداری کا جیل میں نواز شریف سے ملاقات کا فیصلہ

 لاہور: پیپلز پارٹی کے چیرمین بلاول بھٹو زرداری نے سابق وزیر اعظم نواز شریف سے ملاقات کا فیصلہ کیا ہے۔

ملک میں دو بڑی اپوزیشن جماعتوں کے درمیان سیاسی منظر نامے پر بڑی پیش رفت سامنے آئی ہے۔ ایکسپریس نیوز کے مطابق بلاول بھٹو کوٹ لکھپت جیل میں نواز شریف سے ملاقات کریں گے اور پیپلز پارٹی نے ملاقات کے لئے محکمہ داخلہ پنجاب کو درخواست دیدی ہے جس میں نواز شریف سے بلاول بھٹو کی ملاقات کی اجازت مانگی گئی ہے۔

ذرائع کے مطابق بلاول بھٹو آج ہی نواز شریف سے ملاقات کرنا چاہتے ہیں، تاہم اس کا انحصار ہوم ڈیپارٹمنٹ کی اجازت پر ہوگا۔ بلاول بھٹو کوٹ لکھپت جیل میں نوازشریف کی صحت کے بارے میں دریافت کرنا چاہتے ہیں اور وہ اپنے ٹویٹ میں بھی ان کی صحت پر تشویش کا اظہار بھی کرچکے ہیں۔

واضح رہے کہ گزشتہ روز وزیراعظم عمران خان اور بلاول بھٹو زرداری نے ایک دوسرے کے خلاف تند و تیز بیانات دیے تھے۔

The post بلاول بھٹو زرداری کا جیل میں نواز شریف سے ملاقات کا فیصلہ appeared first on ایکسپریس اردو.

from ایکسپریس اردو https://ift.tt/2XFB1Fc
via IFTTT