بھارت دنیا کا آلودہ ترین ملک ہے، تحقیق

بھارت دنیا کا آلودہ ترین ملک ہے، تحقیق

 واشنگٹن: ماحولیاتی آلودگی کی دو بڑی تنظیموں کی جانب سے جاری تحقیقی رپورٹ میں دنیا کے 30 آلودہ ترین شہروں میں 22 بھارت کے شہر ہونے کا انکشاف کیا گیا ہے۔

ماحولیاتی آلودگی کے لیے کام کرنے والی دو معروف تنظیموں ایئر ویژول اور گرین پیس نے ہوا کے معیار کے لحاظ سے دنیا کے 30  آلودہ ترین شہروں کی فہرست مرتب کی ہے، 30 آلودہ ترین شہروں میں سے 22 شہر بھارت کے ہیں۔

بھارتی دارالحکومت نئی دلی کے نواحی شہر گروگرام کو دنیا کا آلودہ ترین شہر قرار دیا گیا ہے جہاں ہوا کے معیار کا تناسب 135.8 ہے جو کہ صحت مند فضا کے لیے درکار تناسب سے تین گنا زیادہ آلودہ ہے۔

ماہرین کے مطابق ان شہروں میں صرف ہوا کے معیار کا تناسب ہی بہت خراب نہیں بلکہ ہوا میں موجود ’فائن پارٹیکلز‘ کی مقدار بھی بہت کم تھی۔ ماہرین ہوا کے معیاری اور صحت مند ہونے کو ایک انڈیکس سے ظاہر کرتے ہیں جسے ’ایئر کوالٹی انڈیکس‘ کہا جاتا ہے۔

بھارتی شہروں میں دہلی، کلکتہ، احمد آباد، آگرہ، لکھنو، غازی آباد، فریدآباد، پٹنہ، اور دیگر کا ایئر کوالٹی انڈیکس خطرناک حد کو بھی پار کرچکا ہے جو شہریوں کی صحت کے لیے نہایت مہلک ہے۔ حکومت وقت نے ماحولیاتی آلودگی کے سدباب کے لیے اب تک ٹھوس اقدامات نہیں اُٹھائے ہیں۔

واضح رہے کہ پہلے ہی ’فائن پارٹیکلز‘ کی ہوا میں موجودگی کے لحاظ سے بھی دنیا کے آلودہ ترین 20 شہروں میں سے 14 بھارتی شہر تھے اور اب ہوا کی کوالٹی کے انڈیکس کے حساب سے بھی دنیا کے آلودہ ترین 30 شہروں میں سے 22 بھارتی شہر ہیں۔

The post بھارت دنیا کا آلودہ ترین ملک ہے، تحقیق appeared first on ایکسپریس اردو.

from ایکسپریس اردو https://ift.tt/2SEYPpb
via IFTTT
via Blogger https://ift.tt/2IOfkzo
March 05, 2019 at 01:11PM