بلوچستان میں بارش اور برفباری کے باعث کئی علاقوں کا زمینی رابطہ منقطع

کوئٹہ: بلوچستان میں گزشتہ دو روز تک جاری رہنے والی بارش اور برفباری کے بعد موسم بہتر ہوگیا ہے تاہم کئی علاقوں کا زمینی رابطہ منقطع ہے۔

بلوچستان کے بیشتر علاقوں میں گزشتہ 2 روز تک جاری رہنے والی بارش اور برفباری کا سلسلہ رک گیا ہے۔ صوبے بھر میں کئی روز بعد سورج پوری آب و تاب سے نکل آیا ہے تاہم کئی رابطہ سڑکیں بند ہیں جس کی وجہ سے ذرائع آمدورفت بحال نہیں ہوسکے۔

شاہ نورانی کے پہاڑی علاقوں سے بارشوں کے ریلے حب ڈیم میں داخل ہونا شروع ہوگئے ہیں۔ نوشکی میں برساتی پانی سے خیصار ندی پر قائم رابطہ پل اور کشنگی کے مقام پر متاثر ہونے والی ریلوے لائن کی بحالی کا کام جاری ہے، قلعہ عبداللہ، چمن، توبہ اچکزئی اور توبہ کاکڑی میں درجنوں مکانات متاثر ہوئے ہیں۔

کوئٹہ سے زیارت اورسنجاوی جب کہ زیارت شہر کا کواس، وام اور ورچوم سے زمینی رابطہ بدستور منقطع ہے۔ دکی میں کوئلے کی کانوں میں سیلابی ریلا داخل ہونے کے باعث کانکنی کو نقصان پہنچا ہے۔

The post بلوچستان میں بارش اور برفباری کے باعث کئی علاقوں کا زمینی رابطہ منقطع appeared first on ایکسپریس اردو.

from ایکسپریس اردو https://ift.tt/2TwQCrG
via IFTTT