ماہ صیام کا چاند 6 مئی کو نظر آنے کا امکان

کراچی: محکمہ موسمیات کا کہنا ہے کہ رمضان کے چاند کی پیدائش 5 مئی کو ہوگی۔

محکمہ موسمیات کے مطابق چاند کی پیدائش 5 مئی کو 3 بجکر 45 منٹ پر ہوگی، چاند کی عمر 15 گھنٹے 43 منٹ ہوگی، چاند غروب آفتاب کے بعد 7:33 منٹ تک آسمان پر ہوگا، کراچی میں غروب آفتاب 7 بجکر 4 منٹ پر ہوگا جب کہ موسمی ریکارڈ کے مطابق ملک کے بیشتر حصوں میں موسم جزوی طور پر ابر آلود رہنے کا امکان ہے۔

محکمہ موسمیات کے کلائمیٹ ڈیٹا پروسیسنگ سینٹر کی جانب سے رمضان کے چاند کی پیش گوئی کردی گئی، محکمہ موسمیات کا کہنا ہے کہ رمضان کا چاند 5 مئی، 29 شعبان کو نظر نہیں آئے گا، سائنسی اعداد و شمار کے مطابق ماہ صیام کا چاند 6 مئی کو نظر آنے کا امکان ہے۔

The post ماہ صیام کا چاند 6 مئی کو نظر آنے کا امکان appeared first on ایکسپریس اردو.

from ایکسپریس اردو http://bit.ly/2GEx4Jl
via IFTTT