سری لنکن دھماکوں کے تانے بانے بھارت سے ملنے لگے

اسلام آباد: سری لنکا میں دھماکے کرنے والی دہشت گرد تنظیم جماعت التوحید کے تانے بانے بھی بھارت سے ملنے لگے۔

بھارتی سرکار دوسرے ممالک میں دہشت گردی کرانے کی ریاستی پالیسی پر گامزن دکھائی دے رہی ہے اور بھارتی ریاستی دہشت گردی کی زندہ مثال پاکستان میں قید بھارتی جاسوس کمانڈر کلبھوشن یادیو ہے اور اب کولمبو دھماکوں کی ذمہ داری قبول کرنے والی دہشت گرد تنظیم جماعت التوحید کے تانے بانے بھی بھارت سے ملنے لگے۔

ذرائع کے مطابق سری لنکا میں ایسٹر دھماکوں کے چشم کشا انکشافات سامنے آگئے، خود کش دھماکوں کے ماسٹرمائنڈ زاہران ہاشمی نے بھارت میں ٹریننگ حاصل کی اور زاہران ہاشمی نے کافی عرصہ جنوبی بھارت میں گزارا لیکن دہشت گردی کے تانے بانے بھارت سے ملنے کے بعد پاکستان پر دہشتگردی کا الزام  دھرنے والے بھارتی حکام کو چپ کا روزہ لگ گیا۔

واضح رہے کہ اتوار کے روز ایسٹر کے موقع پر سری لنکا کے گرجا گھروں اور ہوٹلوں میں 8 دھماکوں میں 250 سے زائد افراد ہلاک ہوگئے تھے جب کہ داعش نے حملے کی ذمہ داری قبول کی تھی اور ایک خود کش بمبار کے گھر چھاپے کے دوران حملہ آور کی اہلیہ نے خود کو دھماکے سے اُڑالیا تھا۔

The post سری لنکن دھماکوں کے تانے بانے بھارت سے ملنے لگے appeared first on ایکسپریس اردو.

from ایکسپریس اردو http://bit.ly/2VoSa81
via IFTTT