ماہرہ خان کا شوبز میں نووارد فنکاروں کو مشورہ

کراچی: ماہرہ خان نے انسٹاگرام پر سوال جواب کے لائیو سیشن کے دوران مداحوں کی جانب سے پوچھے جانے والے سوالوں کے دلچسپ جوابات دئیے۔

عالمی شہرت یافتہ پاکستانی اداکارہ ماہرہ خان دیگر فنکاروں کے برعکس اپنے مداحوں کے  ساتھ رابطے میں رہتی ہیں اور مختلف سوشل نیٹ ورکنگ سائٹس کے ذریعے مداحوں کی جانب سے پوچھے جانے والے سوالات کے جوابات دیتی ہیں۔

اس خبرکوبھی پڑھیں: ماہرہ خان نے منگنی کرلی؟

حال ہی میں ماہرہ خان نے انسٹاگرام پر سوال جواب کے سیشن کے دوران مداحوں کی جانب سے پوچھے جانے والے سوالات کے نا صرف دلچسپ جوابات دئیے بلکہ بہت سے لوگوں کو اپنی ماہرانہ رائے سے بھی نوازا۔

ایک صارف نے ماہرہ سے شوبز میں نووارد ہدایت کاروں اور اسکرین رائٹر کے حوالے رائے دینے کے لیے کہا جس پر ماہرہ نے مشورہ دیتے ہوئے کہا ابتدا میں شوبز میں نئے آنے والے افراد کو چاہئے کہ وہ مختصر فلمیں بنائیں، مختلف چینلز اور ہدایت کاروں کے ساتھ کام کرکے تجربہ حاصل کر یں۔ ڈیجیٹل پلیٹ فارمز کی آمد کے ساتھ بہت سارے مواقع جلد ہی آئیں گے۔

 

ایک صارف نے ماہرہ سے ڈپریشن کے علاج کے متعلق سوال پوچھا جس پر ماہرہ نے ڈپریشن میں مبتلا افراد کو مشورہ دیتے ہوئے کہا کبھی بھی مدد مانگنے میں خوف یا شرمندگی محسوس نہیں کرنی چاہئے۔ بعض دفعہ کسی سے بات کرنا بھی ڈپریشن کو کم کرتا ہے لہذا صحیح انسان کے پاس جائیں جو آپ کی رہنمائی کرسکے۔

The post ماہرہ خان کا شوبز میں نووارد فنکاروں کو مشورہ appeared first on ایکسپریس اردو.

from ایکسپریس اردو http://bit.ly/2H4UDfT
via IFTTT