سرعام پھانسی کی قرارداد کی ہرسطح پرمذمت ہونی چاہیے، رانا ثناءاللہ

 لاہور: رانا ثنا اللہ نے کہا کہ پی ٹی آئی مشرف فیصلے پر تنقید کے بعد خود ہی سرعام پھانسی کی قرادار منظورکررہی ہیں جب کہ اس قرارداد کی ہرسطح پر مذمت ہونی چاہیے۔

مسلم لیگ (ن) کے رہنما رانا ثناءاللہ کا میڈیا سے گفتگو کرتے ہوئے کہنا تھا کہ مجھے عدالت کی امانت اوردیانت پرکوئی شبہ نہیں، عدالتوں سے انصاف مل رہا ہے، خصوصی عدالت کا المیہ ہے ایک خط پرجج تبدیل ہوجاتا ہے، یہ انصاف کے حصول کی جنگ ہے جوبھرپورطریقے سے لڑوں گا۔ درخواست ضمانت سننے والے جج کا واٹس ایپ پرتبادلہ کیا گیا، اتنی نفرتیں پیدا کررہے ہیں جس کا ازالہ سالوں میں نہیں ہوسکے گا، ویڈیوکومنظرعام پرلایا جائے یا معافی مانگیں۔

رانا ثناءاللہ نے کہا کہ پی ٹی آئی مشرف فیصلے پرتنقید کے بعد خود ہی سرعام پھانسی کی قرادار منظورکررہی ہیں جب کہ سرعام پھانسی کی قرارداد کی ہرسطح پرمذمت ہونی چاہیے۔

رانا ثناءاللہ نے کہا کہ موجود صورتحال کا حل مڈ ٹرم الیکشن میں ہی ہے، ان کوبھاگنے نہیں دیں گے ہرمرحلے پران کا پردہ فاش کریں گے، مریم نوازپربے بنیاد مقدمہ درج کیا گیا، حکومت نے غیر قانونی طورپرمریم نوازکا نام ای سی ایل میں ڈالا ہے، مریم نواز کا نوازشریف کے پاس ہونا ان کا حق ہے جب کہ مریم نواز کو روکنا ظلم وزیادتی اوربدترین سیاسی انتقام ہے۔ حکومت کسی کے نقل وحمل پرپابندی نہیں لگا سکتی۔

رانا ثناءاللہ نے کہا کہ میاں شہبازشریف واپس آرہے ہیں، آل پارٹی کانفرنس بلائیں گے، مولانا فضل الرحمان ہم سے ناراض ہیں، اپوزیشن کے ساتھ بیٹھک کرمارچ اوراحتجاج کا لائحہ عمل بنانا چاہتے ہیں۔

The post سرعام پھانسی کی قرارداد کی ہرسطح پرمذمت ہونی چاہیے، رانا ثناءاللہ appeared first on ایکسپریس اردو.

from ایکسپریس اردو https://ift.tt/2H4szbt
via IFTTT