نجی ٹور آپریٹرز کا عوام کو سرکاری سے سستا حج پیکیج دینے کا فیصلہ

اسلام آباد: پرائیویٹ ٹور آپریٹرز نے سستا حج پیکیج دینے کا فیصلہ کرلیا جس کے بعد سرکاری حج مہنگا اور پرائیویٹ حج سستا ہوگیا۔

ایکسپریس نیوز کے مطابق پرائیویٹ ٹور آپریٹرز نے سستا حج  پیکیج دینے کا فیصلہ کیا ہے۔ پرائیویٹ حج ٹورآپریٹرز نے 3 لاکھ 80 ہزار 60 روپے کا حج پیکیج تیار کرلیا۔ حج پیکیج ایسوسی ایشن آف آل پاکستان انرولڈ کمپنیز (ایپک) پاکستان نے تیار کیا ہے جسے عزیزیہ حج 2019 کا نام دیا گیا ہے۔ پرائیویٹ ٹورآپریٹرزجلد پیکج کا اعلان کریں گے۔

اس خبرکوبھی پڑھیں: سعودیہ سے بات کرکے حج اخراجات کم کیے جا سکتے ہیں

پرائیویٹ حج ٹورآپریٹرز کے سرپرست اعلیٰ شاہ جہاں خلیل کا کہنا ہے کہ حکومت حج اخراجات میں اضافہ کی وجہ ٹیکسز اور ڈالر کی قیمت میں اضافہ بتا رہی ہے، حکومت ہمیں ذمہ داری دے ہم پاکستانیوں کو سستا حج پیکج دیں گے۔

واضح رہے کہ پرائیویٹ ٹور آپریٹرز کا سستا حج پیکج سرکاری اسکیم پرعوام کی دلچسپی کو کم کرنے کا باعث بنے گا۔

The post نجی ٹور آپریٹرز کا عوام کو سرکاری سے سستا حج  پیکیج دینے کا فیصلہ      appeared first on ایکسپریس اردو.

from ایکسپریس اردو http://bit.ly/2BqJLFT
via IFTTT