پلوامہ حملہ؛ فلم ’ٹوٹل دھمال‘ پاکستان میں ریلیز نہ کرنے کا فیصلہ

ممبئی: پلوامہ حملے کے بعد ’ٹوٹل دھمال‘ کی ٹیم نے اپنی فلم کو پاکستان میں ریلیز نہ کرنے کا فیصلہ کیا ہے۔

مقبوضہ کشمیر میں قابض بھارتی فوج پر حالیہ حملے کے بعد مودی سرکار کی جانب سے اس حملے کا الزام پاکستان پر عائد کیا جارہا ہے اور اس بنیاد پر دونوں ممالک کے تعلقات میں کشیدگی دیکھنے میں آرہی ہے جس کی لپیٹ میں اب فلم انڈسٹری بھی آچکی ہے۔

In light of the current situation the team of Total Dhamaal has decided to not release the film in Pakistan.

— Ajay Devgn (@ajaydevgn) February 18, 2019

میڈٰیا رپورٹس کے مطابق اندرا کمار کی ہدایت کاری میں بننے والی دھمال فرنچائز کی تیسری فلم ’ٹوٹل دھمال‘ جسے بھارت سمیت دنیا بھر میں ریلیز ہونا تھا جس میں پاکستان بھی شامل تھا تاہم اب فلم ’ٹوٹل دھمال‘ کی ٹیم نے اسے پاکستان میں ریلیز نہ کرنے کا فیصلہ کیا ہے اور فلم میں مرکزی کردار ادا کرنے والے اداکار اجے دیوگن نے اس بات کا اعلان اپنے ٹوئٹر اکاؤنٹ پر بھی کیا۔

اس خبر کو بھی پڑھیں؛ ہندوانتہا پسندوں نے پاکستانی گلوکاروں کو بھی نا بخشا

واضح رہے فلم ’ٹوٹل دھمال‘ میں اجے دیوگن کے ساتھ انیل کپور، رتیش دیشمک، ارشد وارثی، جاوید جعفری، جونی لیور اور مادھوری ڈکشٹ مرکزی کردار میں دکھائی دیں گے جب کہ فلم 22 فروری کو سینما گھروں کی زینت بنے گی۔

The post پلوامہ حملہ؛ فلم ’ٹوٹل دھمال‘ پاکستان میں ریلیز نہ کرنے کا فیصلہ appeared first on ایکسپریس اردو.

from ایکسپریس اردو https://www.express.pk/story/1557395/24
via IFTTT